सोमबार सेयर बजारको परिसूचक नेप्से १५.८३ अंक बढेको छ । सो अंकको वृद्धिपछि नेप्से २६८३ अंकमा कायम भएको छ ।

कारोबार रकम भने घटेको छ । अघिल्लो दिन ७ अर्ब ७२ करोडको कारोबार भएकोमा ६ अर्ब ३४ करोडको भयो । कुल १६९ कम्पनीको मूल्य बढ्दा ६७ को घट्यो भने ९ को स्थिर रह्यो । फाइनान्स समूहको सूचक सबैभन्दा धेरै २.२७ प्रतिशत बढ्यो ।त्यस्तै बैंकिङ ०.११, विकास बैंक १.२१, होटल तथा पर्यटन १.२४, हाइड्रोपावर ०.४४, लगानी १.०५, जीवन बीमा ०.२३, माइक्रोफाइनान्स ०.१९, निर्जीवन बीमा १.२७, अन्य १.६८ र व्यापार समूह ०.०९ प्रतिशत बढे । उत्पादन समूह ०.२३ प्रतिशत घट्यो ।

बेस्ट फाइनान्स र सुपरमादी हाइड्रोपावरको मूल्य ९.९ प्रतिशत बढ्यो । कर्पोरेट डेभलपमेन्ट बैंकको ९.८, स्वाभिमान लघुवित्तको ९.७, सप्तकोशी विकास बैंकको ९.६, विन्ध्यबासिनी हाइड्रोपावरको ८.५, एनएलजी इन्स्योरेन्सको ७.४, थ्रीस्टार हाइड्रोपावरको ७.२ प्रतिशत मूल्य बढ्यो ।

ङादी ग्रुप पावरको १० प्रतिशत मूल्य घट्यो । जानाकी फाइनान्सको ३.४ तथा मध्यभोटेकोशीको २.९ प्रतिशत मूल्य घट्यो । कारोबार रकमका आधारमा ङादी ग्रुप पावर, बेस्ट फाइनान्स, नेपाल फाइनान्स, एनआरएन इन्फ्रास्ट्रक्चर, हाथवे इन्भेस्टमेन्ट कम्पनी क्रमशः अगाडि रहे ।