परराष्ट्र मन्त्री एनपी साउद र उनका भारतीय समकक्षी एस जयशंकरसँग सोमबार छलफल भएको छ।

थाइल्यान्डको राजधानी बैंककमा भएको बिम्स्टेक राष्ट्रका परराष्ट्र मन्त्रीको रिट्रिटका क्रममा दुई देशका परराष्ट्रमन्त्रीबीच साइडलाइन वार्ता भएको हो।

नेपाली समकक्षीसँगको छलफलबारे भारतीय विदेश मन्त्री जयशंकरले ट्विटरमा जानकारी दिएका छन्।

‘नेपालका परराष्ट्र मन्त्रीसँगको छलफल राम्रो भयो। हाम्रो नेतृत्वले तयार पारेका सहकार्यका एजेन्डालाई कार्यान्वयन गर्न मिलेर काम गर्न सहमत भयौं,’ जयशंकरले ट्विटरमा लेखेका छन्।

यसअघि गत वैशाखमा साउद र जयशंकरबीच बंगलादेशको राजधानी ढाका  भेट भएको थियो।