आज स्थानीय बजारमा सुनको मूल्य स्थिर रहँदा चाँदीको मूल्य १३० रुपैयाँले बढेको छ। नेपाल सुनचाँदी व्यवसायी महासङ्घका अनुसार, आज एक तोला छापावाल सुनको मूल्य तीन लाख १४ हजार ८०० रुपैयाँ र एक तोला चाँदीको मूल्य पाँच हजार ७१५ रुपैयाँमा निर्धारण भएको छ।

हिजो मङ्गलबार सुनको मूल्य तीन लाख १४ हजार ८०० र चाँदी पाँच हजार ५८५ रुपैयाँमा कारोबार भएको थियो। सोमबार सुन तीन लाख १३ हजार ५०० र चाँदी पाँच हजार ५९५ रुपैयाँमा खरिदबिक्री भएको थियो।

अन्तर्राष्ट्रिय बजारमा आज एक औँस सुन पाँच हजार १८० अमेरिकी डलर र त्यति नै परिमाणको चाँदी ८९ अमेरिकी डलरमा कारोबार भइरहेको छ।