डडेल्धुरा : डडेल्धुराको आलिताल गाउँपालिकाको मेलखर्कमा ट्याक्टर दुर्घटना हुँदा १३ जना घाइते भएका छन्। जिल्लाको मेलखर्कबाट डोटीको रुबसकाँडा जाँदै गरेको से २ त ३२१७ नम्बरको ट्याक्टर आइतबार दिउँसो ४ बजेतिर दुर्घटना हुँदा १३ जना घाइते भएका हुन्। घाइते १३ जना मध्ये १० जनालाई उपचारको लागि कैलाली लगिएको र बाँकी ३ जनाको डडेल्धुरास्थित डडेल्धुरा अस्पतालमा उपचार भइरहेको प्रहरी कार्यालयले जनाएको छ। तीव्र गतिका कारण ट्याक्टर सडकमै पल्टिएको जनाइएको छ।