श्रम संस्कृति पार्टीका अध्यक्ष हर्क साम्पाङले आगामी निर्वाचनपछि बन्ने सरकारको नेतृत्व आफूले गर्ने दाबी गरेका छन्।

शनिबार दिक्तेल बजारमा आयोजित आमसभालाई सम्बोधन गर्दै उनले आफ्नो पार्टीप्रति जनताको पूर्ण समर्थन रहेको र देशको विकासका लागि भिजनयुक्त नेतृत्व आवश्यक रहेको बताए।

साम्पाङले भिजनविहीन नेताको हातमा देश जाँदा विकास नभएको र वर्तमान समस्या बुझ्न नसक्ने व्यक्ति नेता हुन नसक्ने पनि औँल्याए।

उनलाई गृहजिल्ला खोटाङमा भव्य स्वागत गरिएको थियो।