प्रधानमन्त्री बालेन शाहले मन्त्रिपरिषद्को बैठक बोलाएका छन् । प्रधानमन्त्री कार्यालय, सिंहदरबारमा आज अपराह्न ३ बजे बस्ने गरी बैठक आह्वान गरिएको हो ।

प्रधानमन्त्रीको सचिवालयका अनुसार बैठकमा सरकारका समसामयिक विषय तथा महत्त्वपूर्ण निर्णयबारे छलफल हुने अपेक्षा गरिएको छ । यसअघि गत असोज ३० गते मन्त्रिपरिषद्को बैठक बसेको थियो ।

सरकारका पछिल्ला कदमलाई लिएर चौतर्फी आलोचना भइरहेका बेला आजको बैठक बस्न लागेको हो । पत्रकार पक्राउ, सहसचिवहरूको धरपकड तथा ठेक्का रद्द गर्ने सरकारको निर्णयलगायतका विषयमा विभिन्न क्षेत्रबाट चर्को विरोध हुँदै आएको छ ।

यस्तो परिस्थितिमा बस्न लागेको मन्त्रिपरिषद् बैठकलाई चासोका साथ हेरिएको छ । बैठकबाट सरकारका आगामी कदम र समसामयिक विषयमा महत्त्वपूर्ण निर्णय हुन सक्ने जनाइएको छ ।