अमेरिकामा आज मध्यावधि निर्वाचन हुँदैछ। निर्वाचनबाट संसद् कंग्रेसका दुवै सदन प्रतिनिधिसभा र सिनेटको शक्ति सन्तुलन निर्धारण हुनेछ।

निर्वाचनमा प्रतिनिधिसभाका ४३५ र सिनेटका ३५ सिटका लागि मतदान हुँदैछ। साथै, ३६ राज्यमा गभर्नर चयनका लागि पनि निर्वाचन हुनेछ। यसअघि नै ५ करोड ६० लाखभन्दा बढी मतदाताले अग्रिम मतदान गरिसकेका छन्।

निर्वाचनमा अर्थतन्त्र, जीवनयापनको लागत र आप्रवासन प्रमुख मुद्दा बनेका छन्। हाल दुवै सदनमा बहुमत रहेको रिपब्लिकन पार्टीलाई आफ्नो पकड कायम राख्ने चुनौती छ भने डेमोक्रेटिक पार्टी बहुमत हासिल गर्ने प्रयासमा छ।

निर्वाचनको नतिजाले सन् २०२८ मा हुने राष्ट्रपतीय निर्वाचनअघि अमेरिकी राजनीतिक शक्ति सन्तुलन र दुवै दलको रणनीतिमा प्रभाव पार्ने देखिएको छ।