काठमाडौँ — नेपाली कांग्रेसका केन्द्रीय सदस्य दिनेश यादवले महाधिवेशनको कार्यतालिका नियमित प्रक्रिया अनुसार अघि बढाउनुपर्ने बताएका छन्।

केन्द्रीय समितिमा बोल्दै यादवले महाधिवेशन सुरु गर्ने समय चुनावअघि वा पछि भन्नेमा चिन्ता गर्न नपर्ने बताए। उनले भने, “अधिवेशनको काम नियमित प्रक्रिया अनुसार अगाडि बढ्नुपर्छ। आजबाट सुरु गर्नुपर्छ। यो विशेष, अर्ली वा भर्खरै भन्ने होइन।”

यादवका अनुसार मुलुक वर्तमानमा तरल अवस्थामा रहेकाले निश्चित मिति तोक्नु आवश्यक छैन। उनले महाधिवेशन प्रक्रिया आफ्नो क्रममा अघि बढाउँदै सकेसम्म छिटो सम्पन्न गर्नुपर्ने जोड दिएका छन्।

उनले कांग्रेस तयार नभइ संसद् पुनःस्थापना वा निर्वाचन हुन नसक्ने पनि दाबी गरे।