(विराटनगर) कोरोना संक्रमण कम गर्नको लागि नगद कारोबार बन्द गुर्नपर्ने नेपाल चिकित्सक संघ कोशी अञ्चल शाखा विराटनगरले माग गरेको छ ।

अध्ययनका अनुसार कोरोना भाइरस पैसामा समेत रहने भएकाले सम्पूर्ण नगद कारोबार हुने शाखाहरुमा नगद रहित कारोबार गर्न नेपाल चिकित्सक संघ कोशी अञ्चल शाखाले सर्वसाधारण जनता तथा सरोकारवाला निकायहरुको ध्यानाकर्षण गराएको छ ।

नेपाल चिकित्सक संघ कोशी अञ्चल शाखाका अध्यक्ष डाक्टर फरवार्ड सिलवालले प्रदेश १ सरकार, स्थानीय सरकार र सम्पूर्ण बैंक तथा वित्तीय संस्था समक्ष समेत विधुतीय कारोबार मार्फत हुने बैंकिङ्ग कारोबारलाई प्रवद्र्धन गर्न र सम्पूर्ण आम नागरिकलाई सो कारोबारको पहुँचमा ल्याउने गरी व्यवस्था गरिदिनु आग्रह गर्नु भएको छ ।

सो शाखाले संक्रमणको चेनबाट चिकित्सक, नर्स, स्वास्थ्यकर्मी तथा समुदायसम्म पुगिसकेको यस परिस्थितिमा संक्रमणको चेनलाई दु«त गतिमा फैलिनबाट रोक्न सम्पूर्ण सर्वसाधारणरुमा अत्यावश्यकता बाहेक घरबाट ननिस्किन आग्रह गरेको छ ।

शाखाले घरबाट निस्किनु पर्ने अवस्थामा अनिवार्य रुपमा मास्क र स्यानिटाईजर को प्रयोग गर्न, भीड्भाडमा नजान र कोहि व्यक्ति लाई भेटनु परेको अवस्थामा अनिवार्य रुपमा भौतिक दूरी कायम गर्ने लगायतका कोरोना भाईरसबाट बच्ने स्वास्थ्य सजगताका उपाय अनिवार्य पालना गर्न समेत सवैमा अनुरोध गरेको छ ।

शाखाले सबै अस्पताल र होम आईसोलेशनमा बसेका विरामीहरुलाई महामारीसंग जुध्न आफ्नो व्यक्तिगत सरसफाईमा आफैले विशेष ध्यान दिई सचेत रहन समेत आग्रह गरेको छ ।