सरकारी काम कहिले जाला घाम ! कार्यालयकै कुर्सीमा हाकिम मस्त निदाएपछि… को हुन् यी हाकिम ?
काठमाडौं । अहिले सामाजिक सञ्जालमा एउटा तस्बिर एकदमै चर्चित भएको छ । तराईक्षेत्रमा यो बेला चर्को गर्मी बढेको छ । दिउँसको समयमा गर्मीले अत्यधिक सताउने गरेको छ । यो चर्को गर्मीमा एकजना हाकिम साव कार्यालयकै कुर्सीमा मस्त निदाएका भेटिए ।
केही सप्ताह पहिले दिउँसो सेवाग्राहीकारुपमा उर्लाबारी नगरपालिकाको कार्यालयमा सेवाग्राही बनेर पुगेका स्थानीय पत्रकार तेजन खड्काले हाकिम सावलाई मस्त निदाएको भेट्टाएका हुन् । उर्लाबारी नगरपालिकास्थित पशुपंक्षी शाखाका प्रमुख पशु विकास अधिकृत श्यामानन्द यादव कार्यालय समयमा मस्त निदाएको अवस्थामा भेटिएका हुन् ।
आइतवार दिउँसो साढे २ बजे खड्कासहितको सञ्चारकर्मीको टोली त्यहाँ पुग्दा उनी निदाइरहेका थिए । सञ्चारकर्मीले उठाउने प्रयास गर्दा उनी निद्रा पुर्याइरहेका थिए । बोलाउँदा पनि नउठेपछि सञ्चारकर्मीले उनी सुतेको तस्बिर कैद गरेका हुन् ।
डसञ्चार्कमीले तस्बिर खिच्दा पनि उनले थाहा पाएनन् । जनताको सेवामा खटिने हाकिम कार्यालयमै निदाएपछि सेवाग्राहीलाई समस्या हुने गुनासो स्थानीले गरेका छन् । ब्युँझिएपछि यादवले आफू थाहै नपाइ निदाएको बताएका छन् ।-जनबोलीबाट
