सूचना तथा सञ्चारमन्त्री डा. विक्रम तिमिल्सिनाले सञ्चार तथा पत्रकारिता क्षेत्रलाई व्यवस्थित, जिम्मेवार र व्यावसायिक बनाउन अधिकारसम्पन्न तथा प्रभावकारी नियामक संयन्त्र आवश्यक रहेको बताएका छन्।

सोमबार मन्त्रालयमा प्रदेशका सञ्चार तथा प्रेससम्बन्धी निकायका प्रमुखसँगको छलफलमा उनले सञ्चारमाध्यमको स्वतन्त्रता कायम राख्दै पत्रकारिता क्षेत्रलाई थप जिम्मेवार बनाउन नयाँ कानुनी तथा संस्थागत व्यवस्था गर्न लागिएको जानकारी दिए।

उनले प्रस्तावित प्रेस काउन्सिल तथा आमसञ्चार विधेयकमा सरोकारवालाका सुझाव समेटेर संघ, प्रदेश र स्थानीय तहबीच अधिकार, जिम्मेवारी र समन्वय स्पष्ट पारिने बताए।