काठमाडौं । हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्सम्बन्धी संसदीय विशेष समितिको सभापतिमा राष्ट्रिय स्वतन्त्र पार्टी (रास्वपा) संसदीय दलका उपनेता गणेश पराजुलीको एकल उम्मेदवारी परेको छ ।

संसद् सचिवालयका अनुसार सभापति पदका लागि पराजुलीको मात्रै उम्मेदवारी परेको हो । बुधबार हुने निर्वाचनका लागि उनको प्रस्तावकमा मोहन आचार्य रहेका छन् भने निशा डाँगी, पुष्पराज कँडेललगायत सांसद समर्थक रहेका छन् ।

प्रतिनिधिसभाले असोज ५ गते गठन गरेको १५ सदस्यीय विशेष समितिलाई हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्को अध्ययन गर्ने जिम्मेवारी दिइएको छ । समितिले प्रभावित नागरिकको पुनर्स्थापना तथा पुनर्निर्माण, भविष्यमा हुने जोखिम न्यूनीकरण र आवश्यक कानुनी तथा संस्थागत सुधारका विषयमा समेत अध्ययन गर्नेछ ।

समितिको सभापति चयनका लागि बुधबार दिउँसो २ बजे निर्वाचन हुने प्रतिनिधिसभाले जनाएको छ ।