काठमाडौं । नेपाल आयल निगमले पेट्रोल, डिजेल र खाना पकाउने एलपी ग्यासको मूल्य घटाएको छ। निगमले नयाँ मूल्य भोलिदेखि लागू हुने जनाएको छ।

नयाँ मूल्यअनुसार पेट्रोलको मूल्य प्रतिलिटर २० रुपैयाँले घटाइएको छ भने डिजेलको मूल्य प्रतिलिटर ३० रुपैयाँले कम गरिएको छ। त्यस्तै, खाना पकाउने एलपी ग्यासको मूल्य पनि प्रतिसिलिन्डर १०० रुपैयाँले घटाइएको निगमले जनाएको छ।

अन्तर्राष्ट्रिय बजारमा इन्धनको मूल्यमा आएको परिवर्तनलाई आधार बनाएर उपभोक्तालाई राहत दिने उद्देश्यले मूल्य समायोजन गरिएको निगमले जनाएको छ।

नयाँ मूल्य लागू भएपछि पेट्रोलियम पदार्थ र एलपी ग्यास प्रयोग गर्ने सर्वसाधारणले केही राहत पाउने अपेक्षा गरिएको छ।