नेपाल सुनचाँदी व्यवसायी महासंघ का अनुसार आज नेपाली बजारमा सुन तथा चाँदीको मूल्यमा उल्लेख्य गिरावट आएको छ।

महासंघका अनुसार छापावाल सुनको मूल्य प्रतितोला १० हजार १०० रुपैयाँले घटेर २ लाख ९१ हजार ८०० रुपैयाँ कायम भएको छ। अघिल्लो कारोबार दिन मंगलबार भने यही सुन ३ लाख १ हजार ९०० रुपैयाँ मा किनबेच भएको थियो।

त्यसैगरी, चाँदीको मूल्य पनि घटेको छ। आज चाँदी प्रतितोला १८५ रुपैयाँले घटेर ४ हजार ७४० रुपैयाँ मा कारोबार भइरहेको छ। मंगलबार चाँदीको मूल्य प्रतितोला ४ हजार ९२५ रुपैयाँ रहेको थियो।

बजारमा आएको यो गिरावटले लगानीकर्ता तथा व्यवसायीहरूलाई प्रत्यक्ष असर पर्ने देखिएको छ।