काठमाडौं — सरकारले विभिन्न कानुनी तथा नीतिगत क्षेत्रलाई अद्यावधिक गर्ने उद्देश्यसहित आठ वटा अध्यादेश प्रतिनिधिसभामा पेस गरेको छ। सोमबार बसेको बैठकमा राष्ट्रपति समक्ष सिफारिस भई जारी भएका ती अध्यादेशहरू सदनमा प्रस्तुत गरिएको हो।

बैठकमा कानून मन्त्री सोविता गौतम ले सार्वजनिक खरिद (दोस्रो संशोधन) अध्यादेश २०८३, सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश २०८३ तथा संवैधानिक परिषद् (काम, कर्तव्य, अधिकार र कार्यविधि) (पहिलो संशोधन) अध्यादेश २०८३ प्रस्तुत गरिन्। उनले केही नेपाल ऐनलाई संशोधन गर्ने सम्बन्धी अर्को अध्यादेश पनि पेस गरिन्।

त्यसैगरी अर्थमन्त्री स्वर्णिम वाग्ले ले सम्पत्ति शुद्धिकरण निवारण (तेस्रो संशोधन) अध्यादेश सदनमा प्रस्तुत गरे।

भूमि व्यवस्था मन्त्री प्रतिभा रावल ले सहकारी (पहिलो संशोधन) अध्यादेश पेस गरिन् भने स्वास्थ्य मन्त्री निशा मेहता ले स्वास्थ्य विज्ञान प्रतिष्ठानसम्बन्धी केही नेपाल ऐन संशोधन गर्ने अध्यादेश प्रस्तुत गरिन्।

यसैगरी शिक्षा मन्त्री सस्मित पोखरेल ले विश्वविद्यालयसम्बन्धी केही नेपाल ऐन संशोधन गर्ने अध्यादेश सदनमा पेस गरेका थिए।

सरकारले यी अध्यादेशहरू मार्फत सार्वजनिक सेवा, वित्तीय पारदर्शिता, सहकारी व्यवस्था, शिक्षा तथा स्वास्थ्य क्षेत्रलगायत विभिन्न क्षेत्रमा कानुनी सुधार र संरचनागत अद्यावधिक गर्ने लक्ष्य लिएको जनाएको छ।