उदयपुरको त्रियुगा नगरपालिका–१२ स्थित साधना टोलमा विषाक्त खाना खाँदा एउटै परिवारका चार जना बिरामी परेका छन्, जसमध्ये एक जनाको अवस्था गम्भीर रहेको छ।

स्थानीयका अनुसार २३ वर्षीया हेमा बुढाथोकी, उनका ५ वर्षीय छोरा योगेश बुढाथोकी तथा १४ वर्षीया यशोदा र ९ वर्षीया यासिका बुढाथोकी बिरामी परेका हुन्।

शनिबार घरमै बजारबाट ल्याइएको मुसुरोको दालसहितको खाना खाएपछि उनीहरूलाई बान्ता र बेहोस हुने लक्षण देखिएको थियो। बिरामीमध्ये तीन जनाको जिल्ला अस्पताल उदयपुरमा उपचारपछि घर फर्किएको छ भने गम्भीर अवस्थामा रहेकी हेमा बुढाथोकीलाई थप उपचारका लागि विराटनगर रेफर गरिएको अस्पतालले जनाएको छ।