लेबनानी सशस्त्र समूह हिजबुल्लाहका महासचिव शेख नइम कासेमले लेबनानमा इजरायली आक्रमण र सम्भावित ‘नरसंहार’ रोक्न आफ्नो संगठनले हतियार नछोड्ने बताएका छन्।

‘प्रतिरोध तथा स्वतन्त्रता दिवस’ को अवसरमा आइतबार दिएको सम्बोधनमा कासेमले प्रतिरोध आन्दोलन हसन नसरल्लाहको नेतृत्वबाट जन्मिएको दाबी गर्दै लेबनानी सरकार र इजरायल तथा अमेरिकाबीच प्रत्यक्ष वार्ताको कुनै अर्थ नरहेको टिप्पणी गरे।

उनले हिजबुल्लाहलाई निःशस्त्र बनाइएमा लेबनानमा पुनः आक्रमण र ‘नरसंहार’ हुनसक्ने चेतावनी दिँदै संगठनले हालको अवस्थामा हतियार त्याग्ने कुनै सम्भावना नरहेको स्पष्ट पारे।

कासेमले अमेरिका निष्पक्ष मध्यस्थकर्ता नभई आफ्नै स्वार्थअनुसार काम गरिरहेको आरोप पनि लगाएका छन्।