सरकारले आगामी आर्थिक वर्ष २०८३/८४ को बजेटमार्फत विभिन्न ३६० वस्तुमा लाग्दै आएको अन्तःशुल्क खारेज गर्ने घोषणा गरेको छ।

स्वर्णिम वाग्ले ले संघीय संसद्मा बजेट प्रस्तुत गर्दै उत्पादन, व्यापार तथा उपभोगलाई सहज बनाउन यो व्यवस्था गरिएको जानकारी दिएका हुन्।

सरकारका अनुसार अन्तःशुल्क हटाइएका वस्तुहरूमा उद्योग तथा दैनिक उपभोगसँग सम्बन्धित सामग्री, कच्चा पदार्थ, साना तथा मझौला उद्योगले प्रयोग गर्ने वस्तु तथा केही विद्युतीय उपकरण समावेश छन्।

अर्थमन्त्री वाग्लेका अनुसार अनावश्यक करको भार घटाएर निजी क्षेत्रलाई प्रोत्साहन गर्ने र बजारलाई चलायमान बनाउने उद्देश्यले यो निर्णय गरिएको हो।

सरकारले यस कदमले उत्पादन लागत घट्ने, बजार मूल्यमा कमी आउने र उपभोक्ताले प्रत्यक्ष लाभ पाउने अपेक्षा गरेको छ।