काठमाडौँ — नेपाल राष्ट्र बैंकले बैंक तथा वित्तीय संस्थाबाट प्रदान गरिने व्यक्तिगत अधिविकर्ष कर्जाको सीमा दोब्बर बढाउने निर्णय गरेको छ।

राष्ट्र बैंकले सोमबार सार्वजनिक गरेको चालु आर्थिक वर्ष २०८२/८३ को मौद्रिक नीतिको पहिलो त्रैमासिक समीक्षामा यस नीति लागू गरिएको हो।

यसअन्तर्गत, बैंक तथा वित्तीय संस्थाले प्रदान गर्ने व्यक्तिगत अधिविकर्ष कर्जाको सीमा ५० लाख रुपैयाँबाट बढाएर १ करोड रुपैयाँ कायम गरिएको छ। यो कदमले व्यक्तिहरूलाई थप वित्तीय पहुँच प्रदान गर्ने र कर्जाको प्रवाह बढाउने अपेक्षा गरिएको छ।