काठमाडौं, ११ मंसिर । रास्वपा सभापति रवि लामिछानेसँग काठमाडौं महानगरपालिकाका मेयर बालेन्द्र शाह (बालेन) को निर्णायक भेटघाटको तयारी अन्तिम चरणमा पुगेको छ।

केहीबेरअघि सहमतिको खाका तयार पार्ने काममा संलग्न कुमार बेन, असीम शाह र आसिफ शाहले लामिछानेसँग भेटवार्ता गरिसकेका छन्।

छलफलमा सहभागी एक सदस्यले अनलाइनखबरसँग भने, “वार्ता निष्कर्षउन्मुख छ। सकारात्मक निर्णय सुनाउँछौं।”

रवि लामिछाने र बालेन्द्र शाहबीच आजै निर्णायक वार्ता हुने र त्यसको निष्कर्ष पनि सार्वजनिक हुने तयारी रहेको छ।