जनकपुरधाम, १६ पुस – मधेस प्रदेशमा मुख्यमन्त्री कृष्णा यादवको नेतृत्वमा नयाँ सरकार गठन भएको करिब एक महिनापछि मन्त्रिपरिषद् पूर्ण बनेको छ। आज थप छ जना मन्त्री समावेश भएपछि प्रदेश सरकारको मन्त्रिपरिषद् पूर्ण भएको हो।

जनकपुरधामस्थित मधेस भवनमा आयोजित समारोहमा नवनियुक्त मन्त्रीहरूले प्रदेश प्रमुख डा. सुरेन्द्रलाभ कर्णसमक्ष पद तथा गोपनीयताको शपथ ग्रहण गरेका छन्।

नवनियुक्त मन्त्रीहरू र उनका जिम्मेवारी यस प्रकार छन्:

मनिषकुमार सुमन – श्रम तथा यातायात मन्त्रालय

राजकुमार गुप्ता – भौतिक पूर्वाधार विकास मन्त्रालय

शंकरप्रसाद चौधरी – वन तथा वातावरण मन्त्रालय
श्यामप्रसाद पटेल – भूमि व्यवस्था, कृषि तथा सहकारी मन्त्रालय
वसन्तकुमार कुशवाहा – खेलकुद तथा समाज कल्याण मन्त्रालय
फकिरा महतो – गृह, सञ्चार तथा कानुन मन्त्रालय

नयाँ मन्त्रीहरूको नियुक्तिसँगै मधेस प्रदेश सरकारको प्रशासनिक गतिविधि सक्रिय हुने अपेक्षा गरिएको छ।