लुम्बिनी–बुद्ध जन्मस्थलमा आजदेखि तीन दिनसम्म ‘तेस्रो लुम्बिनी न्युज फेस्टिवल’ आयोजना हुँदैछ। फेस्टिवलमा मोफसल पत्रकारिता, सङ्घीयतामा पत्रकारिताको भूमिका, आर्थिक विकास, पर्यटन प्रवर्द्धन, समाचार लेखन र साहित्य तथा कलाका विषयमा बहस हुने आयोजक लुम्बिनी प्रेस क्लबले जनाएको छ।

कार्यक्रममा नेपाल र भारतका प्रमुख पत्रकार, सम्पादक र लेखकहरू सहभागी हुनेछन्। प्यानल छलफलमा ‘सीमापार सम्बन्ध’, ‘लुम्बिनीको लगानी र पर्यटन’ र ‘पत्रकारितामा जिम्मेवारी र जवाफदेहिता’ जस्ता विषयमा समूहगत छलफल हुनेछन्। आयोजकले यस कार्यक्रमले लुम्बिनी क्षेत्रको ब्राण्डिङ र पत्रकारिताको विकासमा सहयोग पुग्ने बताएका छन्।

फेस्टिवल लुम्बिनी बौद्ध विश्वविद्यालयको सभाहलमा आयोजना गरिएको छ।