काठमाडौँ। नेकपा माओवादी केन्द्रसहित ९ दलको एकतापछि बन्ने नयाँ पार्टीको नाम ‘नेपाली कम्युनिस्ट पार्टी’ हुने भएको छ। प्रज्ञाभवन, कमलादीमा जारी माओवादी महाधिवेशन आयोजक समितिको बैठकमा अध्यक्ष पुष्पकमल दाहाल ‘प्रचण्ड’ले नयाँ पार्टीको नामबारे जानकारी दिएका हुन्।

पाँचकुने तारा रहने चुनाव चिन्हमा भने पहिले नै आठ दलबीच सहमति भइसकेको छ। आइतबार माओवादी, नेकपा एकीकृत समाजवादी र अन्य आठ दलबीच भएको १८ बुँदे सहमतिमा पार्टीको नाम उल्लेख थिएन।

भोलि भृकुटीमण्डपमा विशेष कार्यक्रम आयोजना गरी सबै दलको उपस्थितिमा एकता घोषणा गरिने कार्यक्रम तय गरिएको छ।