काठमाडौँ । नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले प्रतिनिधि सभा पुनःस्थापनाको माग गर्दै देशव्यापी आन्दोलन गर्ने घोषणा गरेका छन् ।

भक्तपुरको गुण्डुस्थित निवासमा बिहीबार नेता तथा कार्यकर्तासँग बोल्दै उनले असंवैधानिक सरकारले प्रतिनिधि सभा विघटन गरेको आरोप लगाए। अध्यक्ष ओलीले प्रधानमन्त्री र राष्ट्रपतिद्वयले संविधान विपरीत कदम चालेको भन्दै त्यसको प्रतिवादमा एमालेले सडक आन्दोलन सुरु गर्ने चेतावनी दिए।

उनले भने, “देशलाई छाडातन्त्रमा चलाउन प्रतिनिधि सभा विघटन गरिएको हो, हामी त्यसको पुनःस्थापनाको माग गर्दै अघि बढ्छौं।”

ओलीले मुलुकमा शान्ति–सुरक्षाको प्रत्याभूति गर्न ‘युथ भोलेन्टियर्स फोर्स’ गठन गर्ने निर्णय पनि गरेको जानकारी दिए।