चितवनमा रास्वपाको विस्तारित बैठक सुरु हुन लागेको छ, ५ सयभन्दा बढी प्रतिनिधि सहभागी
चितवन, कात्तिक २१ – राष्ट्रिय स्वतन्त्र पार्टी (रास्वपा) को विस्तारित बैठक केहीबेरमै चितवनको सौराहामा सुरु हुँदैछ। बैठकका लागि देशभरबाट आएका प्रतिनिधिहरू हलमा प्रवेश गर्दैछन्। पार्टीका प्रवक्ता मनिश झाले बैठक केही समयमै सुरु हुने जानकारी दिएका छन्।
पार्टीको आगामी रणनीति तय गर्न आयोजित यस बैठकमा करिब ५ सयभन्दा बढी प्रतिनिधि सहभागी हुनेछन्। बैठकमा कार्यवाहक सभापति डीपी अर्यालले राजनीतिक प्रतिवेदन प्रस्तुत गर्ने र उपसभापति डा. स्वर्णिम वाग्लेले आगामी निर्वाचनका लागि वाचापत्र (घोषणापत्र) को मस्यौदा पेस गर्ने कार्यसूची रहेको छ।
यस्तै, बैठकमा प्रदेश सभापतिहरूले आफ्ना प्रदेशभित्रका जिल्ला संगठनको अवस्था र गतिविधिबारे विस्तृत ब्रिफिङ गर्ने कार्यक्रम पनि तय गरिएको छ।
बैठकमा पार्टीको संगठन सुदृढीकरण, आगामी निर्वाचन तयारी तथा राजनीतिक रणनीतिबारे महत्वपूर्ण निर्णय हुने अपेक्षा गरिएको छ।
