काठमाडौं— नेकपा एमालेका अध्यक्ष केपी शर्मा ओलीले वर्तमान सरकार आफूमाथि षड्यन्त्र गरिरहेको आरोप लगाएका छन्। शुक्रबार सम्पन्न केन्द्रीय कमिटी बैठकको समापन गर्दै ओलीले गृहमन्त्री ओमप्रकाश अर्याल आफुलाई जेल हाल्ने योजनामा लागेको दाबी गरे।

“केपी ओलीलाई कसरी थुन्न सकिन्छ भनेर गृहमन्त्रीले सल्लाह र छलफल गर्नुभयो, तर कतै केही भेटिएन,” ओलीले भने, “हिजो जेनजीहरूले मान्न मानेनन्, तर सरकार जसरी पनि मलाई थुन्न खोज्दैछ।”

उनले आफू दलविरुद्ध होइन भनेर बताउनेहरूलाई नरम भाषा प्रयोग गर्न सुझाएका छन् भने व्यंग्य गर्दै भने, “यसमा चिनी थपिदिनु?”

ओलीले नेताहरूसँग पार्टीभित्रका विषयहरू बाहिर लैजान नहुने भन्दै छलफल पार्टीभित्रै गर्न सुझाव दिएका छन्। साथै, उनले तोकिएको मितिमा निर्वाचन नहुने दाबीसमेत गरे।

एमाले अध्यक्ष ओलीको यस आरोपसँगै नेपाली राजनीतिमा थप तिक्तता बढ्ने देखिएको छ।