काठमाण्डौ –  नेपालका विभिन्न ठाउँमा  साउन १५ अर्थात् खीर खाने दिनलाई विशेष दिनका रुपमा लिने गरिन्छ । तीज, श्राद्ध, देवाली लगायतका शुभ अवसरमा विशेष परिकारका रूपमा पकाइने गरिएको खीरलाई स्वादिष्ट एवम् स्वास्थ्यवर्दक खानाको रूपमा लिने गरिन्छ ।

चामल, दूध, नरिवल, छोकडा, मरिच चिनी लगायतका अन्य चिजहरु हालेर खीर बनाउने चलन छ । खीर उच्च क्यालोरी भएको खाना हो । दूध आफैँमा प्रोटिनको राम्रो स्रोत हो र यसमा फ्याटको मात्रा पनि हुन्छ । चामलबाट कार्बोहाइड्रेड र अन्य सामग्रीले भिटामिन र मिनरल्स प्रदान गर्छ । त्यसैले खीर थोरै खाएर धेरै पोषण प्राप्त गर्ने खानेकुरा हो।