चितवन, २१ जेठ २०८३ — रोकिएको गौतमबुद्ध क्रिकेट रङ्गशाला को निर्माण कार्य पुनः सुरु भएको छ।

बागमती प्रदेश सरकारबाट बजेट निकासामा ढिलाइ हुँदा भुक्तानी नपाएको भन्दै निर्माण कम्पनीले करिब एक महिनादेखि काम रोकेको थियो। प्रदेश सरकारबाट नौ करोड रुपैयाँ निकासा भएपछि निर्माण कार्य पुनः सञ्चालनमा आएको हो।

आदर्श पोखरेल का अनुसार आवश्यक रकम प्राप्त भएसँगै निर्माण कम्पनीले पुनः काम थालेको छ। यस्तै, सन्तोष आचार्य ले निर्माण कम्पनीलाई बिलअनुसारको भुक्तानी गरिसकिएको जानकारी दिए।

रङ्गशालाको निर्माण कार्य हिमालयन कालिञ्चोक बिबिआर जेभी ले गरिरहेको छ। ठेक्का सम्झौताअनुसार आयोजनाको निर्माण कार्य आगामी २०८३ पुस २२ गतेभित्र सम्पन्न गर्नुपर्नेछ। हालसम्म रङ्गशालाको करिब ५५ प्रतिशत काम सम्पन्न भइसकेको छ।

भरतपुर महानगरपालिका र निर्माण कम्पनीबीच २०८१ असारमा ७५ करोड ५० लाख ९१ हजार १८९ रुपैयाँ लागतमा सम्झौता भएको थियो।

यसअघि धुर्मुस–सुन्तली फाउन्डेसन ले निर्माण कार्य पूरा गर्न नसकेपछि भरतपुर महानगरपालिका ले बोलपत्रमार्फत नयाँ प्रक्रिया अघि बढाएको थियो।