काठमाडौं — ज्ञानेन्द्र शाही ले सवारी नियम उल्लङ्घन गर्ने नागरिकलाई मात्र होइन, सडक पूर्वाधार निर्माण तथा व्यवस्थापनमा लापरबाही गर्ने निकायलाई पनि कानुनी दायरामा ल्याउनुपर्ने बताएका छन्।

आइतबार प्रतिनिधि सभा मा बोल्दै उनले ट्राफिक नियम उल्लङ्घन गर्ने नागरिकलाई जरिवाना गर्ने व्यवस्था जस्तै सडकमा खाल्डाखुल्डी, बिग्रिएका ट्राफिक बत्ती तथा कमजोर व्यवस्थापनका लागि राज्य पनि उत्तरदायी हुनुपर्ने धारणा राखे।

उनले नागरिक र राज्य दुवैलाई समान रूपमा जिम्मेवार बनाउने कानुन ल्याए संसद्बाट सहयोग गर्ने प्रतिबद्धता पनि व्यक्त गरे।