काठमाडौं, १९ जेठ — जिल्ला अदालत पर्साले राजेशमान सिंहसँग धरौटी माग गर्ने आदेश दिएको छ।

जिल्ला न्यायाधीश गायत्रीप्रसाद रेग्मीको एकल इजलासले मेयर सिंहविरुद्ध दर्ता भएको मुद्दामा सुनुवाइ गर्दै धरौटी माग गर्ने आदेश जारी गरेको हो। अदालतका तहसिलदार देवराज भट्टराईका अनुसार सिंहविरुद्ध दुईवटा कसुरमा मुद्दा दर्ता भएको छ।

अदालतले लिखत कीर्तेसम्बन्धी मुद्दामा ४ लाख रुपैयाँ तथा झुट्टा विवरण पेश गरेको आरोपसम्बन्धी मुद्दामा १५ हजार रुपैयाँ धरौटी माग गरेको जनाएको छ।

मुद्दाको थप सुनुवाइ तथा कानुनी प्रक्रिया अदालतमा जारी रहनेछ।