धवलशमशेर राणाद्वारा नयाँ राजनीतिक दल गठनको घोषणा
काठमाडौं, बिहीबार — राष्ट्रिय प्रजातन्त्र पार्टी (राप्रपा) का महामन्त्री धवलशमशेर राणाले नयाँ राजनीतिक दल गठन गर्ने घोषणा गरेका छन्।
काठमाडौंमा आयोजित एक कार्यक्रममार्फत राणाले नयाँ पार्टी गठनको औपचारिक घोषणा गरेका हुन्। यसअघि उनले यही साता विज्ञप्ति जारी गर्दै राप्रपा परित्याग गरेको जानकारी दिएका थिए।
राणासँगै राप्रपाका केही अन्य नेता तथा कार्यकर्ताहरूले पनि पार्टी छोडेर नयाँ राजनीतिक अभियानमा सहभागी भएको बताएका छन्। नयाँ दलको नाम, संरचना र औपचारिक संगठनबारे विस्तृत विवरण भने सार्वजनिक गरिएको छैन।
