झण्डै २२ अर्ब रुपैयाँ ऋणमा बनेको पोखरा अन्तर्राष्ट्रिय विमानस्थल सञ्चालनमा आएको साढे तीन वर्ष बितिसक्दा पनि नियमित अन्तर्राष्ट्रिय उडान सुरु हुन सकेको छैन।

विमानस्थल हाल आन्तरिक उडानमा मात्र सीमित छ भने छिटफुट चार्टर उडान मात्र भइरहेका छन्। हालै भारततर्फ भएको मेडिकल चार्टर उडानलाई भने कूटनीतिक पहलका लागि सकारात्मक संकेतका रूपमा हेरिएको छ।

सरकार र निजी क्षेत्रले कूटनीतिक पहलमार्फत अन्तर्राष्ट्रिय गन्तव्यसँग जोड्नुपर्ने माग गर्दै आएका छन्। तर अहिलेसम्म कुनै पनि नियमित अन्तर्राष्ट्रिय उडान टिकाउ रूपमा सञ्चालन हुन सकेको छैन।