श्रम संस्कृति पार्टीका अध्यक्ष हर्क साम्पाङ ले सरकारलाई सदनप्रति जवाफदेही बनाउन आफूहरू निलम्बन हुन पनि तयार रहेको बताएका छन्।

सिंहदरबारस्थित संसद् भवनमा सञ्चारकर्मीसँग कुरा गर्दै उनले सरकारविरुद्धको विरोध निरन्तर रहने र त्यसका कारण निलम्बन भए पनि स्वीकार गर्ने बताए। उनले पाँच वर्षसम्म प्रतिपक्षमा रहेर विरोध जारी राख्ने पनि उल्लेख गरे।

साम्पाङले सुकुम्बासी, लिपुलेक र विदेशी ऋणजस्ता विषयमा सरकारबाट स्पष्ट जवाफ नआएकाले विरोध गर्नु परेको बताए। साथै, जनताको प्रश्नलाई बेवास्ता गर्ने सरकारको मूल्याङ्कन जनताले गर्ने उनको भनाइ छ।