संघीय संसद् अन्तर्गत प्रतिनिधि सभाको अर्थ समितिको बैठक आज बिहान ११ बजे सिंहदरबारस्थित भवन नम्बर १ को तेस्रो तल्लामा रहेको समिति हलमा बस्ने भएको छ। बैठकमा अर्थमन्त्री डा. स्वर्णिम वाग्ले सहभागी हुने कार्यक्रम रहेको छ।

बैठकमा मुलुकको पछिल्लो आर्थिक अवस्था, बजेट कार्यान्वयनको प्रगति तथा समितिमा विचाराधीन आर्थिक विधेयकका विषयमा छलफल हुने बताइएको छ। साथै सांसदहरूले उठाएका प्रश्नहरूको जवाफ अर्थमन्त्रीले दिने कार्यक्रम रहेको छ।

अर्थमन्त्री नियुक्त भएपछि डा. वाग्लेले संसदीय समितिसँग समन्वय बढाउने र नीतिगत सुधारका विषयमा छलफललाई प्राथमिकता दिँदै आएका छन्।