बाँके । दुई दिनसम्म परेको बेमौसमी वर्षाले बाँकेका इँटा उद्योगमा करिब ८ करोड ७५ लाख रुपैयाँ बराबरको क्षति पुगेको छ।

दीपक अधिकारी, इँटा उद्योग व्यवसायी सङ्घ लुम्बिनी प्रदेशका उपाध्यक्ष तथा पिबिसी इँटा उद्योगका सञ्चालक, का अनुसार वर्षाले पोल्न तयारी अवस्थामा राखिएका ठूलो परिमाणको काँचो इँटा नष्ट हुँदा व्यवसायीलाई ठूलो आर्थिक घाटा लागेको हो।

एक उद्योगमा मात्र करिब पाँच लाख काँचो इँटा नष्ट भएको अधिकारीले बताए। जिल्लाका ७० वटा इँटा उद्योगमा तीन करोड ५० लाख काँचो इँटा वर्षाले क्षतिग्रस्त भएको उनले जानकारी दिए। एक काँचो इँटाको मूल्य करिब रु २.५० रहेको छ।

व्यवसायीका अनुसार खुलाचौरमा भर्खर तयार पारिएका इँटा वर्षाले भिजेर माटोमा परिणत भएका छन्। कर्णालीमा हिमपात भएपछि बाँकेमा परेको वर्षाले यहाँका व्यवसायीलाई थप मर्का परेको छ।

देवबहादुर केसी, इँटा उद्योग व्यवसायी सङ्घ बाँकेका अध्यक्ष, का अनुसार हरेक वर्ष बेमौसमी वर्षाका कारण जिल्लाका उद्योगीले ठूलो क्षति बेहोर्नु परेको छ। उनले भने, “सरकारले काँचो इँटाको बिमा नगर्ने र क्षतिपूर्ति नदिने भएकाले व्यवसायी ठूलो जोखिममा छन्।”