ललितपुर — महेश बस्नेतलाई पक्राउ गर्न सादा पोशाकमा प्रहरी परिचालन गरिएको छ। स्रोतका अनुसार, आफूलाई पक्राउ गर्न प्रहरी खटिएको जानकारी पाएपछि बस्नेत हाल सम्पर्कविहीन बनेका छन् र भूमिगत भएको बताइएको छ।

प्रहरी स्रोतले बस्नेतको खोजी कार्य तीव्र पारिएको जनाएको छ, यद्यपि पक्राउका लागि परिचालन गरिएको कारणबारे आधिकारिक जानकारी सार्वजनिक गरिएको छैन।

यसैबीच, सुरक्षा संवेदनशीलता बढेपछि नेपाल कम्युनिस्ट पार्टी (एमाले)को केन्द्रीय कार्यालय च्यासलमा राष्ट्रिय युवा संघ नेपालका नेता तथा कार्यकर्ता ठूलो संख्यामा भेला भएका छन्। सम्भावित अवस्थालाई ध्यानमा राख्दै पार्टी कार्यालय वरपर सुरक्षा सतर्कता पनि बढाइएको जनाइएको छ।

घटनाबारे थप विवरण आउन बाँकी रहेको छ।