गैँडाकोट मा तीनवटा सवारीसाधन एकआपसमा ठोक्किँदा १२ जना घाइते भएका छन्।

पूर्व–पश्चिम राजमार्गअन्तर्गत गैँडाकोट–९ हनुमान मन्दिर नजिक आज बिहान नेपालगन्जबाट काठमाडौंतर्फ आउँदै गरेको बसले पिकअप भ्यान र ट्रकलाई ठक्कर दिएको प्रहरीले जनाएको छ।

दुर्घटनामा ट्रक चालक इन्द्र तामाङ, पिकअप चालक दर्शन काप्री र बस चालक मोहनसिंह बलामी मगर घाइते भएका छन्। साथै बसमा सवार ९ जना यात्रु पनि सामान्य घाइते भएका छन्।

घाइते सबैलाई उपचारका लागि चितवन लगिएको छ। दुर्घटनापछि केही समय अवरुद्ध भएको यातायात अहिले सामान्य अवस्थामा आएको प्रहरीले जनाएको छ।