काठमाडौँ। काठमाडौँको बालाजुस्थित यातायात व्यवस्था कार्यालयले शिलबन्दी प्रस्ताव आह्वानसम्बन्धी बाँकी प्रक्रियाहरू अर्को सूचना नआउन्जेलका लागि स्थगन गरेको छ।

कार्यालयले आइतबार जारी गरेको सूचनामा भनिएको छ कि विभागीय मन्त्रीको निर्देशनअनुसार बाँकी चरणहरू रोकिएको हो। आइतबार दिउँसो १ बजेसम्म दर्ता भइसकेका फारामहरू भने यथावत् रहने जानकारी दिइएको छ।

गत मङ्सिर २६ गते शिलबन्दी प्रस्ताव आह्वानको सूचना प्रकाशित भएको थियो र पुस ११ गतेसम्म फाराम बिक्री तथा दर्ताको कार्य सम्पन्न भइसकेको थियो।

कार्यालयले स्थगन गरिएको प्रक्रियाहरू कहिले पुनः सुचारु हुनेबारे आगामी सूचनामार्फत जानकारी गराउने जनाएको छ।