२५ कात्तिक, काठमाडौं ।
मधेस प्रदेशमा भएको मुख्यमन्त्री नियुक्ति प्रक्रियाविरुद्ध ७४ जना सांसदहरूले सर्वोच्च अदालतमा रिट दायर गरेका छन्। उनीहरूले मुख्यमन्त्री नियुक्ति संविधानविपरीत भएको भन्दै न्यायिक हस्तक्षेपको माग गरेका हुन्।

रिट दायर गर्न सर्वोच्च पुगेका मध्ये नेपाली कांग्रेस संसदीय दलका नेता कृष्ण प्रसाद यादव, जसपा नेपालका संसदीय दलका नेता सरोजकुमार यादव, माओवादी केन्द्रका उपनेता युवराज भट्टराई र लोसपाका नेता जयलुन राइनलगायत रहेका छन्।

मधेस प्रदेशका कांग्रेस संसदीय दलका नेता यादवले संविधानको धारा १६८ को उपधारा (३) बमोजिम सरकार गठन प्रक्रियामा उल्लंघन भएको भन्दै आफूहरू सर्वोच्चमा रिट लिएर पुगेको बताए। उनले भने, “मुख्यमन्त्री नियुक्ति असंवैधानिक र गैरलोकतान्त्रिक रूपमा भएको छ, त्यसको प्रतिवादका लागि हामी सर्वोच्च अदालत आएका हौं।”

सांसदहरूले विवादित नियुक्तिलाई बदर गरी संवैधानिक प्रक्रिया अनुसार पुनः सरकार गठनको माग गरेका छन्। यसअघि प्रदेश प्रमुख सुमित्रा सुवेदीले एमालेका सरोजकुमार यादवलाई मुख्यमन्त्री नियुक्त गरेकी थिइन्, जसलाई विपक्षी दलहरूले असंवैधानिक भनेका छन्।