धनुषा — मधेस प्रदेशमा नवनियुक्त मुख्यमन्त्री सरोजकुमार यादवविरुद्ध असन्तोष फैलिँदा मुख्यमन्त्री कार्यालयमा तोडफोड भएको छ। सात दलका नेता र कार्यकर्ताहरुले नाराबाजी गर्दै यादवलाई कार्यालय प्रवेश गर्न अवरोध गरेका छन्।

प्रदेश प्रमुख सुमित्रा भण्डारीले सोमबार एमाले संसदीय दलका नेता सरोजकुमार यादवलाई मधेस प्रदेशको मुख्यमन्त्री नियुक्त गरेकी थिइन्। यादवको नियुक्ति बारे जानकारी पाएपछि विरोधमा रहेका नेता र कार्यकर्ताहरु तत्काल मुख्यमन्त्री कार्यालयमा जम्मा भएका हुन्।

हाल घटनास्थलमा तनाव रहेको र सुरक्षा बलले अवस्था नियन्त्रणमा राख्न खोजिरहेको स्थानीय स्रोतले जानकारी दिएका छन्।