६ मंसिर, काठमाडौं । नेकपा एमाले बागमती प्रदेश कमिटीले राजधानीको भृकुटीमण्डपमा ठूलो जनसभा तथा शक्ति प्रदर्शन सम्पन्न गरेको छ। ‘संविधान र लोकतन्त्रको रक्षा हाम्रो साझा जिम्मेवारी !’ भन्ने नारासहित आयोजित जनसभामा पार्टीका शीर्ष नेता तथा कार्यकर्ताको उल्लेख्य उपस्थिति देखिएको थियो।

जेनजी आन्दोलनको जगमा बनेको वर्तमान सरकारलाई असंवैधानिक भन्दै आएको एमालेले प्रतिनिधि सभा पुनर्स्थापनाको मागलाई सबलीकरण गर्न आजको जनसभालाई शक्ति प्रदर्शनको रूप दिएको हो।

सभा अघि रत्नपार्क–भद्रकाली क्षेत्रमा एमाले कार्यकर्ताले प्रदर्शन गर्दै सडकमार्गमा र्‍याली निकालेका थिए। त्यसपछि भृकुटीमण्डपमा आयोजित मुख्य सभामा पूर्वप्रधानमन्त्री केपी शर्मा ओली र नेता शंकर पोखरेलले विशेष सम्बोधन गरेका थिए।

नेताहरूले संविधानको रक्षा, लोकतान्त्रिक प्रक्रियामा हस्तक्षेपबारे चेतावनी र प्रतिनिधिसभा पुनर्स्थापनाका मागहरू पुनः दोहोर्‍याएका छन्।