नेविसंघद्वारा ओली र लेखकमाथि छानबिनको माग, आन्दोलनको चेतावनी
काठमाडौं, असोज २९ — नेपाली कांग्रेससम्बद्ध नेपाल विद्यार्थी संघ (नेविसंघ) ले निवर्तमान प्रधानमन्त्री केपी शर्मा ओली र गृहमन्त्री रमेश लेखकमाथि जेनजी आन्दोलनका घटनाको जिम्मेवारी लिंदै तत्काल छानबिन गर्न सरकारसँग माग गरेको छ।
सोमबार काठमाडौंमा पत्रकार सम्मेलन गर्दै नेविसंघ अध्यक्ष दुजाङ शेर्पाले भदौ २३ देखि सुरु भएको आन्दोलनमा भएको मानवीय क्षतिमा तत्कालीन सरकार प्रमुखहरूको भूमिका रहेकाले उनीहरूलाई छानबिनको दायरामा ल्याउनुपर्ने बताए।
शेर्पाले आन्दोलनको नेतृत्व काठमाडौं महानगर प्रमुख बालेन्द्र साह (बालेन) रहेको आरोप लगाउँदै सिंहदरबारमा आगजनीजस्ता घटनाको अनुसन्धान बालेनबाट सुरु गर्न माग गरे।
नेविसंघले आगामी असोज २८ गतेदेखि आगजनी, तोडफोड र लुटपाटमा संलग्नहरूमाथि कारबाहीको माग गर्दै प्रदर्शनमा उत्रने चेतावनी समेत दिएको छ।
