तरुणहरूलाई मुलुक, जनता र संविधानको रक्षामा समर्पित हुन खड्काको आग्रह
नेपाली कांग्रेसका कार्यवाहक सभापति पूर्णबहादुर खड्काले नेपाल तरुण दलको ७३औँ स्थापना दिवसमा तरुणहरूलाई मुलुक, जनता र संविधानको रक्षामा जुझारु र समर्पित हुन आग्रह गरेका छन्। सानेपामा आयोजित कार्यक्रममा उनले देश र कांग्रेस दुबै प्रतिकूल अवस्थामा रहेको भन्दै एकता र संकल्पका साथ अघि बढ्नुपर्ने बताए।
प्रतिनिधिसभा विघटन असंवैधानिक रहेको स्पष्ट गर्दै उनले राष्ट्रपति रामचन्द्र पौडेलले संविधानको रक्षा गरेको भन्दै प्रशंसा गरे। खड्काले सुशासन र समृद्धिको अभियानमा युवाहरू एकताबद्ध भएर लाग्न र कांग्रेसले राष्ट्रिय एकता तथा संविधान रक्षाका लागि भरोसायोग्य भूमिका खेल्ने प्रतिबद्धता व्यक्त गरे।
कार्यक्रममा तरुण दलका अध्यक्ष विद्वान गुरुङले संस्थाको ऐतिहासिक योगदान स्मरण गर्दै रक्तदान कार्यक्रमसमेत सञ्चालन गरिएको जानकारी दिए।
