सप्तरीको राजविराज विमानस्थलमा आज रात्रिकालीन उडानको परीक्षण हुने भएको छ । यसका लागि साँझ ५ बजे बुद्ध एयरले काठमाडौँ–राजविराज उडान गर्ने तालिका रहेको छ । 

नेपाल नागरिक उड्डयन प्राधिकरणका अनुसार जडान भएका लाइट र अन्य उपकरणहरूको परीक्षण हुनेछ । परीक्षण उडान सफल भए नियमित रूपमा बुद्ध एयरले काठमाडौँ–राजविराज रात्रिकालीन उडान गर्नेछ । 

अहिले त्रिभुवन अन्तर्राष्ट्रिय विमानस्थलका साथै विराटनगर, पोखरा, भैरहवा, नेपालगन्ज, धनगढी लगायत विमानस्थलमा रात्रिकालीन उडान भइरहेको छ ।