रुपन्देहीको तिनाउ नदीमा डुबेर एक जना बालकको मृत्यु
काठमाडौं । रुपन्देहीको तिलोत्तमा नगरपालिका-६ स्थित तिनाउ नदीमा डुबेर शनिबार एक जनाको मृत्यु भएको छ ।
नदी उत्खननका क्रममा परेको दहमा जमेको पानीमा पौडी खेल्न गएका स्थानीय १७ वर्षीय बालक दिब्याम्स भुषालको शनिबार मृत्यु भएको इलाका प्रहरी कार्यालय बुटवलले जनाएको हो।
साथीहरूसँग फुटबल खेल्न गएका ती किशोर नजिकैको दहमा पौडी खेल्ने क्रममा पानीमा डुबेको स्थानीयले जानकारी दिए लगत्तै प्रहरी घटनास्थल पुगे पनि भुषाल मृत अवस्थामा फेला परेका प्रहरी नायब उपरीक्षक मनोहर भट्टले जानकारी दिनुभयो ।
सोही घटनाको विषयमा थप अनुसन्धान भइरहेको प्रहरीले बताएको छ ।
