काठमाडौं । दाङमा बिहीबार राति अटोरिक्सा र मोटरसाइकल एक-आपसमा ठोक्किंदा २ जनाको मृत्यु भएको छ ।

सोही दुर्घटनामा परी एक जना गम्भीर घाइते भएको प्रहरीले बताएको हो । मोटरसाइकल चालक बबई गाउँपालिका–४ निवासी ३० वर्षीय राजेश भण्डारी र मोटरसाइलकमा सवार सोही ठाउँका ३१ वर्षीय साकार केसीको मृत्यु भएको इलाका प्रहरी कार्यालय तुलसीपुरले जनाएको छ । उपचारका क्रममा अस्पतालमा उनीहरूको मृत्यु भएको हो ।

दाङ तुलसीपुर–२ कुमलगडीस्थित कुमलगडीबाट तुलसीपुरतर्फ आउँदै गरेको रा १ ह ४०९६ नम्बरको अटो र विपरीत दिशाबाट जाँदै गरेको रा ७ प २५० नम्बर मोटरसाइकल एक-आपसमा ठोक्किंएका हुन् ।

सोही दुर्घटनामा परी अटोचालक दाङ शान्तिनगर–७ खैरेनीका ४३ वर्षीय रुद्रबहादुर थापा गम्भीर घाइते भएका छन् । थापाको नेपालगञ्जमा उपचार भइरहेको प्रहरीले बताएको छ ।