राष्ट्रिय प्रजातन्त्र पार्टीको केन्द्रीय कार्यसम्पादन समितिको बैठक आज पनि जारी छ । बैठक बिहान ८ बजेबाट पार्टी केन्द्रीय कार्यालय धुम्बाराहीमा जारी छ । 

बैठकले विभिन्न जनदबाबका कार्यक्रमहरू तय गर्ने बताइएको छ । हिजो बसेको बैठकपछि सञ्चारकर्मीहरूसँग कुरा गर्दै अध्यक्ष राजेन्द्र लिङ्देनले पार्टीले पुस, माघ, फागुन र चैत्र महिनामा जनदबाबका कार्यक्रम आयोजना गर्ने बताएका थिए ।  कार्यसमितिको बैठकले पार्टीको नियमावली पास गर्ने लिङ्देनले जानकारी दिए ।