प्रधानमन्त्री पुष्पकमल दाहाल प्रचण्डले कणर्ाली प्रदेशकोविकासका लागि सरकारले राजमार्ग र कोरिडोर निर्माणका साथै शिक्षा,स्वास्थ्य लगायतका क्षेत्रलाई उच्च प्राथमिकतामा राखेर बजेट विनियोजन गरेको जिकिर गरेका छन् । 
बिहीवार प्रतिनिधि सभा बैठकमा सांसद अम्बरबहादुर थापाले उठाएको प्रश्नको जवाफ दिदै प्रधानमन्त्री दाहालले यो वर्षको बजेटमा कणर्ाली प्रदेशको भौतिक विकासलाई उच्च प्राथमिकताकामा राखेर विनियोजन गरेको उल्लेख गरे । 
उनले भने,‘कणर्ाली प्रदेशलाई लक्षित गरि कणर्ाली संमृद्धि कार्यक्रम सञ्चालित छ । हिमाली तथा उच्च पहाडी जीविकोपार्जन कार्यक्रम कणर्ालीको माथिल्लो भूभागमा सञ्चालन भैरहेको छ । आगामी वर्षमा कणर्ाली प्रदेशमा सिँचाई तथा नदी नियन्त्रणका लागि छुट्टै बजेटको व्यवस्था गरिएको छ ।’ 
सांसद अम्बरबहादुर थापाले कणर्ाली सहित अन्य  दुई प्रदेशमा सरकारले विशेष बजेट मार्फत जनताका आवश्यकतालाई सम्बोधन गर्ने भनेपनि बजेटमा कणर्ालीको लागि विशेष बजेट नदेखिएको भन्दै ‘सरकारको विशेष बजेट कहाँ छ ?’ भन्दै प्रधानमन्त्रीसंग जवाफ माग गरे । 
प्रतिउत्तर दिदै प्रधानमन्त्री दाहालले कणर्ालीको विकासका लागि सडक र राजमार्ग जस्ता भौतिक पूर्वाधार निर्माणलाई तीव्रता दिन उच्च प्राथमिकता दिएर बजेटमा सम्बोधन गरेको बताए । 
‘कणर्ाली कोरिडोर सडक राष्ट्रिय गौरवको आयोजनाको रुपमा सञ्चालित छ । राप्ति राजमार्ग, भेरी कोरिडोर,मध्यपहाडी लोकमार्गको कणर्ाली खण्ड र मदन भण्डारी राजमार्गको कणर्ाली खण्डको लागि सरकारले प्राथमिकताका साथ बजेट विनियोजन गरेको छ । शिक्षा,स्वास्थ्य तर्फको बजेटमा समेत सरकारले कणर्ालीलाई उच्च प्राथमिकतामा  दिएर राखेको छ ।’
उनले नेपालको समग्र विकास मोडलबारे समीक्षा गर्नुपर्ने आवश्यकता रहेकोभन्दै प्रदेश तथा देशको समग्र विकासको लागि विकास मोडलबारे समीक्षा गर्न सरकार गम्भीर रहेको चर्चा गरे ।