वेलायती प्रधानमन्त्री बोरिस जोन्सन दुई दिने भ्रमणका लागि भारत पुगेका छन् । उनी सिधै भारतको गुजरातमा ओलिएका हुन् ।

भारतीय मुलका वेलायती मध्ये आधाभन्दा बढीका पूर्वज गुजरातका छन् । गुजराज भारतीय प्रधानमन्त्री नरेन्द्र मोदीको गृहनगर पनि हो । त्यसैले उनी जोन्सनले गुजरातमा नै राजनीतिक तथा अन्य भेटघाट गर्ने छन् ।

गुजरातमा व्यापारिक समुदायका नेताहरुसँगको भेटमा उनले भारत र वेलायतका बीचको लगानीका विषयमा कुराकानी गर्न छन् ।

गुजरातबाट जोन्सन शुक्रबार राजधानी नयाँ दिल्ली जाने छन् । जोन्सन र मोदीबीच दिल्लीमा नै भेट हुने छ ।

यसअघि प्रधानमन्त्री जोन्सनले भारत भ्रमणको कार्यक्रम सार्वजनिक गरेको भए पनि कोरोना भाइरसको प्रकोपका कारण दुई पटकसम्म स्थगित भएको थियो ।

मोदी र जोन्सनबीचको द्विपक्षीय वार्ताका क्रममा खासगरी आर्थिक लगानी, व्यापारिक साझेदारी, प्रतिपक्षा र जनता जनताबीचको सम्पर्क एवं हरित गृहलगायतका विषयमा आवश्यक छलफल र द्विपक्षीय सम्झौता हुने छ ।