भारतमा कोरोना भाइरसबाट संक्रमितको संख्या बुधबारसम्म एक करोड एक लाखनजिक पुगेको छ । पछिल्लो २४ घन्टामा यहाँ २३ हजार नौ सय ५० संक्रमित थपिएसँगै संक्रमितको संख्या एक करोड ९९ हजार नौ सय ५० पुगेकोे केन्द्रीय स्वास्थ्य तथा परिवार कल्याण मन्त्रालयले जनाएको छ । 

पछिल्लो २४ घन्टामा भारतमा कोरोना संक्रमणका कारण तीन सय ३३ जनाको मृत्यु भएको छ । योसहित कोरोना भाइरसबाट मृत्यु हुनेको संख्या एक लाख ४६ हजार चार सय ४४ पुगेको छ । भारतको राजधानी दिल्लीमा पछिल्लो २४ घन्टामा नौ सय ३९ जनामा कोरोना  संक्रमण देखिएको र २५ जनाको मृत्यु भएको छ । भारतमा कोभिड– १९ सुरु भएयता संक्रमणकै कारण १० हजार तीन सय २९ जनाको मृत्यु भइसकेको छ ।

मन्त्रालयको पछिल्लो विवरणमा ९६ लाख तीन सय ८२ हजार व्यक्ति संक्रमणमुक्त भएको देखिएको छ । हाल भारतमा दुई लाख ८९ हजार दुई सय ४० सक्रिय संक्रमित छन् । यसैबीच, सरकारले देशका विभिन्न भागमा कोभिड– १९ परीक्षणलाई तीव्रता दिने बताएको छ । भारतीय स्वास्थ्य अनुसन्धान परिषद्ले देशभर १६ करोड ४२ लाख ६८ हजारको हाराहारीमा नमुना परीक्षण गरेको जनाएको छ ।